A Feira de Paderne é un evento que xurde na Axencia de emprego e desenvolvemento local, aínda que, dado a súa magnitude, se ven implicados outros departamentos municipais. Conta para a súa organización cun variado grupo de persoas, que xunto ca axente de emprego e desenvolvemento local, se encargan de distintos aspectos necesarios para a súa celebración , reuníndose baixo a supervisión do alcalde, quen participa activamente na organización da Feira.

Neste equipo atopamos:

- Responsable da área de protocolo.

Persoa encargada da relación cos medios de comunicación así como de todos os aspectos relativos a invitacións e recepción de autoridades.

- Responsable da área de mantemento

É o encargado de que tanto na montaxe, como na celebración da feira todo funcione correctamente no relativo a infraestructura mesma da feira.

- Responsable da área de actividades

E a persoa encargada de organizar o amplo programa de actividades que ten lugar durante o transcurso da feira.

- Responsable da área de información

Trátase da persoa o fronte da información durante o transcurso da feira así como todo o que este departamento conleva de posta a venta de material promocional da feira.

- Responsable da área de expositores

É a persoa encargada da relación cos expositores participantes na feira, tanto nos meses anteriores, como durante o transcurso da mesma.

Este equipo, reúnese periodicamente nos meses anteriores a celebración da Feira, para tratar distintos aspectos relativos a mesma , tanto individuais de cada departamento, como no seu conxunto, sinalando posibles novidades e buscando, en todo caso, a mellora da mesma.

Acompañando a este equipo atópase un grupo de persoas, adscritos a cada área, que participan na montaxe e celebración da feira e fan posible que todo funcione correctamente.

A Feira de Paderne, e pois, un evento no que participan un nutrido e variado grupo de persoas que fan posible a súa celebración, unidos baixo un espírito de equipo na procura da súa finalidade, o desenvolvemento e promoción económica do noso concello.